MIJIL
• Jalak uren mawurahan sami,
Samadya andon woh,
Amuwuhi malad wiyadine,
Ana manuk mamatuk sasari,
Angsoka sulastri,
Ruru karya gandrung.
• Poma kaki padha dipun eling,
Ing pitutur ingong,
Sira uga satriya arane,
Kudu anteng jatmika ing budi,
Ruruh sarta wasis,
Samubarangipun.
KINANTHI
• Anoman malumpat sampun,
Prapteng witing nagasari,
Mulat mangandhap katingal
Wanodya yu kuru aking,
Gelung rusak wor lan kisma,
Kang iga-iga kaeksi,
SINOM
• Pangéran Panggung saksana,
Anyangking daluwang mangsi,
Dènira manjing dahana,
Alungguh sajroning geni,
Èca sarwi nenulis,
Ing jero pawaka murub.
• Sun iki dhutaning nata,
Prabu kenya Majapahit,
Kekasih Damar sasangka,
Atma mantune ki patih,
Magang anyar awak mami,
Lahta bisma praptaningsun,
Ingutus sang Narpendah,
Kinen mocok murdantaji,
Marmaningsun ingutus ywa mindho karya.
ASMARANDANA
• Aja turu soré kaki
Ana Déwa nganglang jagad
Nyangking bokor kencanané
Isine donga tetulak Sandhang kelawan pangan
Yaiku bagéyanipun wong welek sabar narima
• Poma-poma wekas mami,
Anak putu aja lena,
Aja katungkul uripe,
Lan aja duwe kareman,
Marang pepaes donya,
Sing ndalu dipun emut,
Yen urip manggih antaka
DHANDANGGULA
• Jago kluruk rame kapyarsi
lawa kalong luru pandhelikanjrih kawanan ing semune
bang wetan sulakipun
mratandani yen bengun enjing
rembulan wus gumlewang
neng kulone gunung
ing padesan wiwit obah
lanang wadon pan samya anambut kardi
netepi kewajiban
• Wardining kang sasmita jinarwi,
Wruhing kukum iku watekira,
Adoh marang kanisthane,
Pamicara puniku,
Weh reseping sagung miyarsi,
Tata krama puniku,
Ngedohaken panyendhu,
Kagungan iku kinarya,
Ngupa boga, dene kelakuan becik,
Weh rahayuning angga.
GAMBUH
• Sekar gambuh ping catur
kang cinatur polah kang klantur
Tanpa tutur katulatula katali
Kadaluwarsa katutuh
Kapatuh kang dadi awon
MASKUMAMBANG
• Gereng-gereng Gathotkaca sru anangis
Sambaté mlas arsa
Luhnya marawayan mili
Gung tinamêng astanira
• Duh anak mas sira wajib angurmati,
Marang yayah rena,
Aja pisan kumawani,
Anyenyamah gawe susah.
DURMA
• Paman-paman, apa wartane ing ndalan,
Ing dalan akeh pepati
mati kena apa
mati pinedhang ligan
ing jaja terusing gigir
akari raga
badan kari gluminting
PANGKUR
Sekar pangkur kang winarna
Lelabuhan kang kanggo wong ngaurip
Ala lan becik puniku
Prayoga kawruhana
Adat waton puniku dipun kadulu
Miwah ingkang tata krama
Den kaesthi siyang ratri
Lelabuhan kang kanggo wong ngaurip
Ala lan becik puniku
Prayoga kawruhana
Adat waton puniku dipun kadulu
Miwah ingkang tata krama
Den kaesthi siyang ratri
Deduga lawan prayoga,
Myang watara reringa aywa lali,
Iku parabot satuhu,
Tan kena tininggala,
Tangi lungguh angadeg tuwin lumaku,
Angucap meneng anendra,
Duga-duga nora kari.
MEGATRUH
• sigra milir kang gèthèk sinangga bajul"
"kawan dasa kang njagèni"
"ing ngarsa miwah ing pungkur"
"tanapi ing kanan kéring"
"kang gèthèk lampahnya alon"
• yen woh-wohan enak mentah iku timun,
enak mateng iku kweni,
manggis enak blibaripun,
pelem enak mateng ati,
salak enak rada bosok.
PUCUNG
• Bapak pucung dudu watu dudu gunung
Sangkane ing sabrang
Ngoningone sang bupati
Yen lumaku si pucung lembehan grana
(gajah)
• Bapak pucung amung sirah lawan gembung,
Padha dikunjara,
Mati sajroning ngaurip,
Mijil baka si pucung dadi dahana.
(penthol korek)
• Bapak pucung dudu tampar dudu dhandhung,
Dawa kaya ula,
Penclokanmu kayu garing,
Prapteng griya si pucung ngetokne cahya.
(kawat listrik)